موقع عصري يهتم بشئون المحامين ( إصدار تجريبي )

جمعية خدمات محامي الهرم هي إحدى منظمات المجتمع المدني المشهرة طبقا للقانون رقم 84 لسنة 2002 تحت الأشراف المالي والأداري لوزارة التضامن الأجتماعي
جمعية خدمات محامي الهرم تواسي الزميل كمال مشعال المحامي لوفاة نجل سيادته
تم بحمد الله أفتتاح المركز الطبي الخيري لخدمة السادة المحامين وأسرهم ت: 37420548
تهنئة من القلب بعودة الزميل حسين الهجرسي بعد أداء مناسك العمرة
يتقدم الأستاذ/أحمد عبد الرازق بالشكر لكل  من وقف بجواره ويعاهد الجميع على مواصلة العطاء
مرحبا بالعضو الجديد الأستاذ الفاضل/ هاشم الزيادي المحامي





رئيس مجلس الإدارة

أحمد عبدالرازق عبداللطيف

أهداف الجمعية

مكتبة الصور


المواضيع الأخيرة

» دعوي صحه توقيع
السبت 01 ديسمبر 2012, 7:59 pm من طرف يوسف سامح

» عايز اضمن حقي
الإثنين 23 أبريل 2012, 3:37 am من طرف يوسف سامح

» المصروفات المدرسية الملتزم بها الاب هى للمدارس الحكومية والمناسبة لقدرته
الثلاثاء 06 مارس 2012, 10:18 pm من طرف محمد راضى مسعود

» كيف يحصل مشترى العقار ووجود مستأجرين بعقود ايجار قديم وليس لديه عقود ايجاراتهم
الخميس 02 فبراير 2012, 5:40 pm من طرف عصام الحسينى المسلمى

» تسجيل عقد ابتدائي
الجمعة 13 يناير 2012, 9:30 am من طرف abrazek

» رمضان كريم
الخميس 28 يوليو 2011, 7:26 am من طرف admin

» lمصيف مطروح
السبت 11 يونيو 2011, 8:06 am من طرف abrazek

» لاغتصــــــــــــــاب
الخميس 26 مايو 2011, 3:53 am من طرف حسين عبداللاهي

» التعليمات العامة للنيابات بشأن التحقيق مع المحامين
الخميس 26 مايو 2011, 3:02 am من طرف حسين عبداللاهي

المتواجدون الآن ؟

ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر

لا أحد


أكبر عدد للأعضاء المتواجدين في هذا المنتدى في نفس الوقت كان 18 بتاريخ الجمعة 01 أكتوبر 2010, 10:48 pm

نوفمبر 2017

الأحدالإثنينالثلاثاءالأربعاءالخميسالجمعةالسبت
   1234
567891011
12131415161718
19202122232425
2627282930  

اليومية اليومية


    قصيدة جديدة للشاعر الكبير جمال بخيت ... مش باقي مني

    شاطر
    avatar
    حسين عبداللاهي
    مشرف
    مشرف

    عدد المساهمات : 240
    نقاط : 707
    النشاط : 0
    تاريخ التسجيل : 14/09/2009
    العمر : 56

    قصيدة جديدة للشاعر الكبير جمال بخيت ... مش باقي مني

    مُساهمة من طرف حسين عبداللاهي في الخميس 01 أكتوبر 2009, 2:34 am

    قصيدة جديدة للشاعر الكبير جمال بخيت ...

    مش باقي مني


    مش باقي مني غير شوية ضي ف عينيا

    أنا هاديهوملك

    وامشي بصبري ف الملكوت

    يمكن ف نورهم تلمحي خطوة

    تفرق معاكي

    بين الحياة والموت


    مش باقي مني غير شوية نبض ف عروقي

    خُدي.. وعيشي..

    وافتحي لي تابوت

    أفرح بريحة ورد فرعوني

    وربنا ف عوني

    إذا دخلت الجنة ولاّ النار

    هاشتاق إلي ضحكتك

    وقعدتي ف الدار

    والقهوة متحوجة

    من طيبة العطار..

    ف كل يوم الصبح

    باشرب حليب قبطي

    وف النهار والمسا

    بامسك ستار الكعبة لو سبتي

    واثبت إذا هربتي

    أهديكي عمري وحسي وجوارحي

    أهديكي جرحي

    هو اللي باقي ف دنيتي لما خلص فرحي

    مش باقي مني غير شوية لحم ف كتافي

    بلاش يتبعتروا ف البحر

    بلاش يتحرقوا ف قطر الصعيد

    ف العيد

    بلاش لكلب الصيد.. تناوليهم

    خدي اللي باقي من الأمل فيهم

    وابني لي من عضمهم

    في كل حارة مقام

    وزوريني مرة وحيدة

    لو كل ألفين عام

    ألم الجراح يتلم

    مش باقي مني غير شوية دم

    متلوثين بالهم

    مُرين وفيهم سم

    كانوا زمان شربات

    والنكتة سكرهم

    شربتهم الخفافيش

    في قلب أوكارهم

    مش باقي مني غير شوية دم..
    ماأقدرشي أسقيكي.. مواجعهم

    وبرضه ما أقدرشي

    أرميكي..

    وأبيعهم

    يمكن ف مرة تعوزي تطلبيني شهيد

    هاحتاج يوميها الدم

    يمضي علي شهادتي

    مش باقي مني غير شوية قوة ف إرادتي

    علي شوية شِعر من خطي

    حاسبي عليهم وانتي بتخطي

    وانتي ف صبح الدلال

    بتعطري شطي..

    مش باقي مني غير شوية ضي ف عينيا

    أنا مش عايزهم

    لو كنت يوم هالمحك

    وانتي بتوطي

    في معركة مافيهاش

    ولاطيارات ولاجيش

    وانتي ف طابور العيش

    بتبوسي إيد الزمن

    ينولك لقمة

    من حقك المشروع

    مش باقي مني.. غير

    شهقة ف نفس مقطوع..

    بافتح لها سكة

    ما بين رئة.. وضلوع..

    ما بين غبار.. ودموع..

    وأنا تحت حجر «المقطم»

    ف الدويقة باموت

    أنا.. والعطش.. والجوع..

    يئن تحتي التراب

    وانا صوتي مش مسموع..

    ياحلمنا الموجوع..

    من المرور ممنوع..

    مستني لما يمر

    موكب سلاطينك..

    مش باقي مني غير شوية رحمة من طينك..

    علي شوية صبر من دينك..

    مش باقي مني غير حبة غُنا تايهين

    ف الضلمة مش لاقيين

    حس الفواعلية..

    ولا صوت مراكبي عَفي

    فوق المعدية..

    ولا صوت بناتي العذاري

    في كل صبحية..

    والغنوة.. أمنية

    «
    ياما نفسي أقابل حبيبي..

    وانا ع الزراعية»..

    صوتك وصوتهم غاب..

    وانا تحت حجر المقطم.. باموت لوحديّا..

    الليلة راحت عيوني

    تطل ع البستان..

    وجناين الرمان..

    رجعت لي توصف عناد الغل والدخان

    وسحابة سودا تضلل

    علي الغُنا الغلبان..

    رجعت لي توصف هبوب الموت

    علي الألوان..

    رجعت لي توصف..

    ..
    خيال الذل..

    ف موائد الرحمن..

    مش باقي مني غير شوية كُفر بشروقك

    وأنا..

    منبع الايمان..

    مش باقي مني..

    غير شوية ضي..

    وعينيا

    مش قادرة تلمحني..

    في وحدتي محني..

    خايف أموت م الخوف

    والضعف يفضحني..

    ...

    السجن عشش ف قلبي

    وماشي ف شوارعك..

    نفس اللي باعني وخدعني

    بالرخيص بايعك..

    هاشيل حمولي انا

    ولا هاشيل حملك ؟!

    ماعدت أملك شيء..

    فيكي.. ولا فيّا

    ولا قيراط ولا بيت..

    ولا نسمة صافية تلاغي النيل بحرية..

    مش باقي مني غير شوية حب جارحّني

    ولا باقي مني غير شوية ضي ف عينيا

      الوقت/التاريخ الآن هو السبت 18 نوفمبر 2017, 6:12 pm